Durante a semana do 23 ao 27 de xaneiro, os nosos alumnos e alumnas de 5º e 6º de Ed. Primaria, xunto cos de 1º e 2º de ESO, participaron na Semana Branca. Para iso desprazámonos á estación invernal de San Isidro en León e alí, da man de experimentados monitores, deron os seus primeiros pasos aprendendo a esquiar (aínda que moitos demostraron que estaban feitos para o esquí). Pasárono de marabilla e realizaron distintas actividades e xogos relacionados cos deportes de inverno.
