Deben traer  documentación para a saída a Dublín o antes posible, poden enviala cos rapaces/as ou deixala en secretaría.
– DNI (darémosllelo aos alumnos no autobús)
– Pasaporte
– Tarxeta sanitaria europea
– Autorización da garda civil
Queríamos reiterar o horario da viaxe. Pregámoslles que estean no colexio o domingo 16 ás 7.00 am. A volta será o xoves 20 ás 22.30 aproximadamente. Recordámoslles que voamos con Ryanair e o horario dos voos é o seguinte:
● OPORTO – DUBLÍN: 11.20 – 13.40 (hora portuguesa e irlandesa)
● DUBLÍN – OPORTO: 15.45 – 18.10 (hora portuguesa e irlandesa)
Recordámoslles que, a parte de visitar os lugares máis emblemáticos de Dublín, faremos unha excursión a Irlanda do Norte. En Dublín temos entradas para a Biblioteca Nacional e a Catedral de San Patricio.
Canto á equipaxe , xa que temos un billete priority, poden levar unha bolsa/mochila pequena (40x20x25cm) e outra maleta a bordo de 10kg (55x40x20cm) como equipaxe de man.

Os líquidos e xeles teñen que ir nunha bolsa/neceser transparente cunha capacidade máxima dun litro e cada recipiente non pode superar os 100ml. Teñen que amosala ao pasar pola seguridade do aeroporto, polo que lles recomendamos que vaia o máis accesible posible. Non está  permitido levar aerosoles e tesoiras .


A predición do tempo en Dublín é nubrado con chuvascos e mínimas de 10ºC e máximas de 17ºC, polo que lles recomendamos leven roupa de
abrigo axeitada (pantalón longo, chaqueta, suadoiro…) ademais dun chuvasqueiro ou chaqueta impermeable.
O hostal é o Abigails Hostel no centro de Dublín, deixo o enlace á páxina web por se queredes botarlle un ollo: http://abigailshostel.com/ .
Rogámoslles que tamén metan na maleta unha toalla de micro fibra , xa que o hostal non nos pode asegurar que haxa toallas dabondo para todo o alumnado e recomendamos unhas chancletas para a ducha.
Aínda que nas habitacións teñen puntos USB para cargar os dispositivos móbiles, recordámoslles que en Irlanda teñen un enchufe británico, co que precisarán dun adaptador para enchufar aparatos eléctricos/electrónicos.


A divisa de Irlanda son os euros. Os rapaces deben levar cartos para pagar as comidas (mediodía) e comprar agasallos se quixeran. O alumnado
que queira poderá darnos os cartos para que nós os xestionemos. En Irlanda do Norte teñen libras, non obstante, nós encargámonos de levar as libras suficientes para o día desta excursión. Se tedes libras na casa e queredes que as leven, non hai ningún problema.
Se algún alumno/a precisa levar un medicamento, para non ter problemas na seguridade do aeroporto, recomendámoslles traian o papel da prescrición médica.
Para calquera consulta, non dubiden en contactarnos.

Departamento de Linguas Estranxeiras.